Sevgi yoxdur

Yeni vərəq, yeni qələm
Sevgi sanki cəhənnəm!
Ürək sancı nəfəs gəlmir
Sevgi xəstəlik vərəm!
Sevgi cadu kimidir
Qanla çəkilmiş pentaqramma!
Sağ olsaydı Şekspir
Mənim həyatımdan yazardı drama!
Bir az stress, noma pristup!
Arada bir də paranoya!
Bu nə zamandı insanlar sanki robot
Mama mia!
Yox romantika!
Ürəklər artıq sevmir,
İçidə boşdu hamının
Kirayə verilən otaqlar kimi!

Oyna uşaqlar kimi,
Mənim ürəyim oyuncaqdı
Sındır əlini, çıxart gözünü –
Xeyri yoxdu yenə də sağdı!
Qələm damar mürəkkəbimdə!
Qan axır sətirlərə!
Lirik fəlsəfəm,
Çevirir orduları əsirlərə!
Qaraqanam – HOST`un oğlu!
Yaraları duzla doldur!
Kim deyir ki sevgi var?
Mən deyirəm sevgi yoxdur! İndi fərqli hisslər,
İndi hamı başqa arzularda! “Leyli-Məcnun” sevgisi də ki,
Boş nağıl arzularda!

Dar insanlar,
Onlar özləri özlərindən qorxdular,
Unutdular!
Yox olaraq
Arzular,
Ümidlər,
Sevgilər ürəklərdə itər!
Çünki dar insanlar
Dəlicəsinə sevməkdən qorxdular!
Çürüntülər ürəkləri bağladı,
Mələklər də içimizi görüb ağladı...

Yeni gecə, yeni səhər
Sevgi yoxdur, var kədər!
Sevgi yoxdur, var yalan!
Sevgi yoxdur, var zəhər!
Sevgi yoxdur!
Uşaq nağıllarıdır gözəl əbədi sevgi!
Ehtiras var!
Yalandan deyirlər səbəbi sevgi!
İndi seks və şou,
İndi heroin və pul əsri!
İndi MTV, “ Sweet Sixteen ”, “ Pimp My Ride ” əsri!
İndi Hi5 zamanı,
İndi “easy life” zamanı!
Mobil telefonlar kimi,
Mobil insanlar zamanı!
Sülh raketlərdən atılır,
Yemək paketlərdə satılır!
Sevgi yoxdur!
Hər il yeni bir sevgi çıxır,
Sonra atılır!
Sevgi yoxdur!
Gizli-gizli parkda sevişmək var!
Sevgi yoxdur!
Dalaşmaq, qırışmaq, didişmək var!
Sevgi yoxdur!
Var dörd təkər üstə dəmir parçası!
Leyli olub bu gün 90-60-90 markası!
Sevgi olur qanadlarla, Əlvan sehirli hisslərlə!
Sevgi olmur saytdan götürülmüş hazır SMS`lərlə!

Dar insanlar,
Onlar özləri özlərindən qorxdular,
Unutdular!
Yox olaraq
Arzular,
Ümidlər,
Sevgilər ürəklərdə itər!
Çünki dar insanlar
Dəlicəsinə sevməkdən qorxdular!
Çürüntülər ürəkləri bağladı,
Mələklər də içimizi görüb ağladı...

... ... ...

^{Bu gün sevgi belədi?
Görəsən beş il sonra necə olacaq?}

H.O.S.T Alliance | [link]